TIRANË, 8 Shkurt / ATSH -N.Lena/ – Njohja e vlerave tona natyrore në peisazhin më piktoresk të tyre ka bërë që sot, shoqata “Incityalbania” në bashkëpunim me AdZM, Durrës, të organizojnë një marshim në Parkun Kombëtar Qaf-Shtamë me rreth 40 të rinj e të reja nga qyteti i Tiranës.
Të rinjtë kishin për qëllim të preknin nga afër bukuritë natyrore të këtij parku, të njiheshin me bimësinë e tij, me faunën, si dhe të kalonin një ditë ndryshe.
Gjatë gjithë kohës ata u shoqëruan nga specialistët e AdZM, Durrës që bënë edhe rolin shpjegues për rëndësinë ekologjike të këtij parku dhe të natyrës në përgjithësi. Praktika të tilla ku administrata të AdZM-ve në vend organizojnë ture turistike në Parqet tona Kombëtare, po bëhen të shpeshta dhe efikase në prezantimin e vlerave tona turistike. /m.mhttp://www.ata.gov.al/ture-turistike-me-te-rinjte-per-njohjen-e-vlerave-natyrore-370703.html
Nessun commento:
Posta un commento