KORҪË, 9 Tetor / ATSH- N.Lena/ – U mblodh sot në qytetin e Korҫës Konferenca Kombëtare e Turizmit për Zonat e Mbrojtura. I pranishëm ishte Drejtori i AKZM, Zamir Dedej, prefekti i Korҫës Ardit Konomi, drejtorët e Drejtorive të qarqeve, ku ndodhen Zonat e Mbrojtura, specialistë të turizmit dhe mjedisit, përfaqësues të shoqërisë civile dhe të interesit, si dhe përfaqësues të organizmave ndërkombëtarë në vendin tonë.
Në fjalën e tij, Drejtori i Agjencise Kombetare te Zonave të Mbrojtura, Zamir Dedej, u përqëndrua në rëndësinë turistike dhe mjedisore të këtyre zonave. Specialistë të fushave sollën detaje dhe shifra rreth arritjeve në menaxhimin e tyre. Kryesisht u diskutua për ruajtjen dhe miremenaxhimin e natyrës shqiptare dhe kryesisht në ato qarqe ku ajo përbën vlerë turistike dhe mjedisore.
Konferenca do të vazhdoje punimet gjatë ditës së sotme dhe nesër pjesemarresit do të jenë në Liqenin e Prespës për të parë nga afër zhvillimet dhe masat që duhen marrë për përmirësimin e kesaj zone në dobi të turizmit dhe mjedisit. /a.kehttp://www.ata.gov.al/mblidhet-ne-korҫe-konferenca-kombetare-e-turizmit-ne-zonat-e-mbrojtura-322321.html
Nessun commento:
Posta un commento