09 aprile 2017

Monumentet e Natyrës në zonën e Gramshit edhe si destinacione turistike

liqeniTIRANË,7 Prill / ATSH / –  Në këtë zonë malore siç është Gramshi, veç natyrës piktoreske ka dhe mjaft  Monumente të Natyrës,që tashmë janë kthyer në destinacione turistike.
Janë disa të tilla që frekuentohen pothuajse çdo ditë nga vizitor të shumtë  si Ujvara e Sotirës,Kanionet e Holtës, Grabova, Liqeni I Zi, si dhe Liqeni i Dushkut.
Ky liqen është nga më interesantët në këtë zonë.
Liqeni i Dushkut, ndodhet në afërsi të fshatit Lenie-Gramsh, në rrëzën veriperëndomore të malit të Komianit, në lartësinë 1105 m mbi nivelin e detit. Përfaqëson një liqen akullnajor me gjatësi rreth 800 m dhe gjerësi rreth 400 m.
Është i pasur me llojshmeri biologjike si flora dhe fauna, në të cilën dallohen sidomos zambakët e mbëdhenj të ujit.
Rrethohet nga një pyll i dendur pishash me sipërfaqe rreth 12 ha. Së bashku me pyllin rrethues formon një ekosistem tepër interesant liqenor e pyjor. Ka vlera shkencore  gjeologjike, gjeomorfologjike, hidrologjike e biologjike, didaktike, kulturore, ekologjike dhe turistike.
Periudha e Pranverës dhe e Verës janë më të përshtatëshme për të vizituar këtë  mrekulli natyrore.
Vizitohen sipas intinerarit Elbasan – Gramsh – Kodovjat – Liqeni i Dushkut.
/f.n/
https://www.ata.gov.al/monumentet-e-natyres-ne-zonen-e-gramshit-edhe-si-destinacione-turistike/

Nessun commento:

Posta un commento

Search

Translate