
Gjatë 4 ditëve Agjencia Kombëtare e Turizmit dhe subjekte private ndër më të mëdhatë të vendit paraqiten vlerat turistike, që Shqipëria ofron për vizitorët e huaj.
Në ceremoninë e hapjes ishte i pranishëm edhe Ministri i Zhvillimit Ekonomik, Turizmit, Tregtisë dhe Sipërmarrjes, Arben Ahmetaj, i cili zhvilloi një sërë takimesh me përfaqësues të ndryshëm të kompanive dhe tur opertoreve austriak duke i shprehur mundësitë e panumërta që Shqipëria rezervon në aspektin turistik.

Gjithashtu u bë promovimi i dokumentarit mbi Shqipërinë i realizuar nga televizioni publik austriak ORF në muajin shtator të vitit të kaluar dhe hedhja e disa shorteve ku për pjesëmarresit u dhuruan suvenire dhe vera shqiptare.
Prezantimi i sivjetshëm ishte kombinuar me konkurse të improvizuar mbi njohuritë për vendin tonë, si dhe mundësinë për të shikuar bukuritë e Shqipërisë në teknollogjinë 3D. Numrit të lartë të vizitorëve në stendën tonë, ju shtua edhe prezenca e medias austriake e cila tregoi interes të veçantë për t`u njohur me Shqipërinë.

Me këtë të fundit u ra dakort që Shqipëria turistike të marrë më tepër vëmendje dhe të promovohet intensivisht në hapësirën e marketingut që gjigandi austriak i fluturimeve disponon. Panairi qëndroi i hapur nga data 14-17 Janar.
Gjithashtu edhe Ambasada e Shqipërisë në Vjenë mori pjesë në promovimin e Shqipërisë. Vizitorët e shumtë dhe pjesmarrësit në konkurse i përshëndeti edhe Ambasadori Roland Bimo.
/f.nhttp://www.ata.gov.al/turizmi-shqiptar-prezantohet-ne-panairin-e-vjenes-ferien-messe-2016-364254.html
Nessun commento:
Posta un commento