Qarku i Korçës është veshur me mantelin e bardhë të dëborës. Në zonat turistike të këtij qarku si Dardha dhe Voskopoja trashësia e dëborës është më madhe se ajo në qytetin e Korçës duke i bërë edhe më të bukura festat e këtij fundviti. Akset nacionale kanë pasur probleme me qarkullimin gjatë natës së të premtes pasi drejtuesit e mjeteve janë gjendur të papërgatitur.
Në aksin nacional Pogradec-Qafë-Thanë trashësia e reshjeve të borës ka arritur deri në 10 cm, por qarkullimi i mjeteve nuk pengohet. Situatë e vështirësuar paraqitet edhe në akset e Korçë-Ersekë dhe Korçë-Kapshticë, ndërkohë që nga ana e policisë bëhet apel për drejtuesit e mjeteve që të tregojnë kujdes gjatë lëvizjes në këto segmente.
Në qarkun e Kukësit ditën e sotme situata paraqitet e normalizuar krahasuar me natën e mbrëmshme, ku reshjet e dëborës ishin me intensitet në segmentin e Rrugës së Kombit nga Fushë - Dukagjini deri në hyrje të Tunelit të Kalimashit si dhe në disa pjesë të segmentit Kukës-Morinë. Por menjeherë u vendosën në funksion 8 borëpastruese dhe aktualisht situata është nën kontroll. Mjetët mund të lëvizin me zinxhirë, por kujdes duhet treguar vazhdimisht pasi disa pjesë të rrugës janë të mbuluara nga akulli. Edhe aksi Rrëshen-Tuneli i Kalimashit paraqitet pa probleme ditën e sotme, por reshjet e një nate më parë ka bërë që në rruge të ketë ngrica dhe për këtë drejtuesit duhet të jenë të kujdesshëm. 
Redaksia Online
(Shqiptarja.com) - See more at: http://shqiptarja.com/aktualitet/2731/d-bora-zbardh-vendin-rrug-t-t--kalueshme-p-r-automjetet-262470.html#sthash.tpelhQZv.dpuf
Nessun commento:
Posta un commento