Fondacioni Shteteror Turk per Zhvillim projekte restauruese ne Gjirokaster

06 November 2013 10:28

Kreu i Fondit Shteteror Turk per Zhvillim ka vizituar Gjirokastren me qellim hartimin e nje plani per restaurimin e te gjithe monumenteve te kultures ne qytetin e gurte. Specialiste prane ketij fondacioni do te bejne nje studim dhe me pas do te shihen mundesite e nderhyrjes per restaurim ne disa monumente si kalaja, xhamite, kisha, shtepite e vjetra dhe rruget me kalldrem. Aktualisht fondacioni turk ne bashkepunim me autoritetet e vendit tone po merret me restaurimin e xhamise se Nazireshes ne qytetin e Elbasanit.

- See more at: http://www.radiotravel.al/index.php?option=com_k2&view=item&id=74628:fondacioni-shteteror-turk-per-zhvillim-projekte-restauruese-ne-gjirokaster&Itemid=617#sthash.zsCzxhrM.dpuf

Konservimi i objekteve muzeale, mbërrijnë në Tiranë ekspertët anglezë

Do të trajnojnë muzeologët shqiptarë për konservimin e armëve dekorative dhe luftarake

06 nëntor 2013 14:50

Kushtet e ekspozimit te objekteve muzeale prej vitesh janë problem shqetësues në Muzeun Historik Kombëtar. Të gjithë e mbajmë mend se edhe ardhja e armëve të Skënderbeut në Shqipëri për ekspozim në kuadër të 100 vjetorit të pavarësisë u limitua në 3 muaj, për shkak të mungesës së kushteve të muzeut. Edhe ky ekspozim u shoqërua nga një shpure ekspertësh austriakë.

Aktualisht ka nje sinjal pozitiv, pasi specialistët e Muzeut të Armëve në Angli kanë mbërritur në Tiranë për trajnimin e muzeologëve shqiptare për konservimin e armëve dekorative dhe luftarake.
Restauratori Andy Holbrook thotë se konservimi i armëve është specifik. Ato kërkojnë kushte ruajtjeje dhe ekspozimi në temperature konstante si në verë edhe në dimër

Profesor Ferderik Stamati pranon se në muzete shqiptare mungon kualifikimi I konservuesve të objekteve të artiti dhe kushtet e ekspozimit..

Për herë të parë realizohet në vendin tonë një seminar për ruajtjen dhe prezantimin specific të armëve në vitrina. 12 punonjës të muzeve të ndryshëm u njohën me metodat e reja të konservimit.

Pas demostrimit të restaurimit mbi objekte konkrete muzeale,specialistet të huaj dhe vendas vizituan edhe pavionet e muzeut për tu njohur me kushtet optimale të ekspozimit të objekteve në vitrina.
http://www.abcnews.al/lajme/kulture/4/36012

Muzeu i Durrësit prej 2 vjetësh me dyer të mbyllura

TIRANE- 06 Nentor 2013 - 06:00
Në 2011-n në Durrës është zhvilluar një ceremoni përurimi për rikonstruksionin e Muzeut Arkeologjik të Durrësit, ku merrte pjesë edhe ish-kryeministri i vendit, Sali Berisha. Pritej që rikonstruksioni të përfundonte në vjeshtën e vitit 2012, në prag të 100-vjetorit të Pavarësisë, por tashmë ka kaluar dyfishi i kohës së kontratës dhe është bërë shumë pak nga ajo që u premtua. Si rrjedhojë që prej dy vjetësh muzeu nuk vizitohet më as nga qytetarët shqiptarë, as nga turistët e huaj.

“Këtë vit, fatmirësisht, është siguruar një buxhet, më i madhi në tërë historinë e vendit, për zbulimin, kujdesin, restaurimin e monumenteve të kulturës, që shkon rreth 20 milion dollarë”, u shpreh gjatë përurimit Berisha, duke shtuar se “në çdo rreth, Ministria e Kulturës së bashku me qeveritarët vendorë do të marrë vendimet për të ngritur muzetë arkeologjikë, arkeologjikë-etnografikë, të cilët duhet t’u dëshmojnë vizitorëve të gjithë udhëtimin tonë në shekuj e mijëvjeçarë”. Kështu tha atëherë ish-kryeministri Berisha, por festa e 100-vjetorit erdhi e iku dhe sot aty ku po ruhen rreth 20 mijë objekte të trashëgimisë, syri i vizitorit dhe turistit nuk sheh gjë tjetër veç plehra dhe ca inerte ndërtimesh. E për më tepër nuk kemi parë të ngrihet asnjë muze nga ato që ka përmendur me gojën e tij vet Berisha.  

Problemin e këtij muzeu e sollën në qendër të vëmendjes deputetët e PS-së të hënën në seancën dëgjimore në Komisionin Parlamentar të Medias, ku ministrja e kulturës Mirela Kumbaro iu ka dhënë përgjigje për çështjen e pezullimit të restaurimit të Muzeut Arkeologjik, duke përforcuar faktin se rikonstruksioni duhet të kishte mbaruar para dy vjetësh. “Ka një fond të konsiderueshëm të këtij projekti që është vënë në dispozicion, që parashikonte rikonstruksionin e Muzeut dhe ndërtimin e godinave për administratën në shumën 262 milionë lekëve të reja, për të cilat është tenderuar vetëm në fazën e  parë 104 milionë lekë të reja për rikonstruksionin që duhet të kishte mbaruar në 2010”, tha të hënën ministrja Kumbaro.

Ndërkohë gazeta ka ndjekur vet problemin dhe sipas burimeve nga Drejtorisë Rajonale të Monumenteve të Kulturës ka mësuar se punimet për muzeun arkeologjik të Durrësit nuk kanë përfunduar ende, “ndonëse koha e parashikuar për punimet në kontratën mes palëve ishte vetëm tetë muaj”, shprehet një nga specialistët. Ndërkaq shihet se oborri i Muzeut Arkeologjik më të madh të vendit vazhdon të jetë i mbushur me gurë të hedhur pa asnjë rregull, duke lënë një imazh shumë të keq për kalimtarët. Aty ku sot janë mbeturinat, projekti parashikonte një minipark ku do të vendoseshin objektet e mëdha arkeologjike të ndërthurura me gjelbërim dhe pemë dekorative. Por tashmë përpara syve kemi vetëm këtë imazh dhe askush nuk e di me siguri se kur do të hapen dyert e Muzeut Arkeologjik të Durrësit.
 
Pas dyerve të mbyllura
Një intelektual durrsak, thotë se “Muzeu Arkeologjik është një nga krenaritë e qytetit të Durrësit. Ai është dëshmitar i veprimtarisë së një plejade të shquar arkeologësh, që drejtoheshin me pasion dhe kompetencë nga bashkëpunëtori i vjetër shkencor Vangjel Toçi”. Në të vërtetë ku muze është një thesar i madh kombëtar. Vetëm në katin e parë të godinës ndodhen rreth 2 100 objekte që i përkasin periudhës para themelimit të qytetit deri në shekullin e 4 të erës sonë. Muzeu Arkeologjik i Durrësit dhe Amfiteatri antik janë dy nga pikat më të vizituara të Durrësit, qendra të rëndësishme të turizmit historik dhe tepër të vlerësuara edhe nga specialistët e huaj. Por ndërsa Amfiteatri ka nisur të ndriçohet, ne nuk mund ta dimë se çfarë po ndodh pas dyerve të mbyllura të këtij muzeu.
 
Kur dhe si do të behej rikonstruksioni i Muzeut të Durrësit
Rikonstruksioni i Muzeut të Durrësit, sipas specialistëve parashikohej sipas një plani që kushtonte 102 milionë lekë dhe 240 ditë për rikonstruksionin. Vendimi i qeverisë shqiptare për rikonstruksionin e Muzeut Arkeologjik të Durrësit daton në janar të vitit 2011. Ministria e Turizmit, Kulturës, Rinisë dhe Sporteve akordoi 102 milionë lekë për përmirësimin rrënjësor të situatës në muzeun e Durrësit. Kontrata e nënshkruar mes Drejtorisë Rajonale të Monumenteve të Kulturës dhe firmës Murati shpk filloi të realizohej në shtator të vitit 2011.

“Godina me pamje kuadratike trekatëshe nuk ka pësuar ndryshime në fasadën e jashtme, përveç lyerjes dhe përforcimit të kolonave mbajtëse. Brenda saj ka patur shumë pak ndryshime nga projekti fillestar i vitit 1982 dhe theksi është vënë në instalimet hidraulike dhe elektrike”, shprehet një nga punonjësit e këtij muzeu. Duke shtuar se “Drejtoria Rajonale e Monumenteve të Kulturës, u ndje në vështirësi gjatë zbatimit të rikonstruksionit, që nuk ishte parashikuar në kontratë; të gjitha objektet e paekspozuara duheshin zhvendosur në një mjedis tjetër, për ndërtimin e të cilit në oborrin e pasmë duheshin financime të tjera.

Mësojmë gjithashtu se pas kësaj janë shtuar financimet, por punimet e sapofilluara për një godinë modeste njëkatëshe u ndërprenë që në themele për shkak të pretendimit të një familjari për pronësinë e truallit. Pas kësaj ndodhie asgjë nuk është bërë transparente nga punonjësit e Drejtorisë Rajonale të Monumenteve të Kulturës dhe MTKRS, sepse shumë rikonstruktime që janë bërë ndërkohë nuk janë parashikuar nga fondi prej 102 milionë lekë...
 
Shkrimi u publikua sot (6.11.2013) në gazetën Shqiptarja.com (print)

Redaksia Online
(d.d/shqiptarja.com­) - See more at: http://www.shqiptarja.com/kulture/2730/muzeu-i-durresit-prej-2-vjetesh-me-dyer-te-mbyllura-185777.html#sthash.vsWdmG94.dpuf

TURIZMI SHQIPTAR PREZANTOHET NË PANAIRIN E LONDRËS 11/2013

  TIRANË, 4 Nëntor/ATSH/.- Shqipëria prezanton edhe këtë vit potencialet e saj turistike në Panairin Ndërkombëtar të Turizmit në Londër "World Travel Market".

     Vendi ynë përfaqësohet në panairin e çelur sot, nga një delegacion i kryesuar nga Ministrja e Zhvillimit Urban dhe Turizmit, Eglantina Gjermeni. Takimin e parë znj. Gjermeni e ka zhvilluar në stendën e Shqipërisë me Sekretarin e Përgjithshëm të Organizatës Botërore të Turizmit (UNWTO), Taleb Rifai.
     Ministrja Gjermeni e njohu z.Rifai me prioritetet dhe objektivat kryesore të Ministrisë së Zhvillimit Urban dhe Turizmit, ndërsa Sekretari i Përgjithshëm i UNWTO premtoi ndihmë dhe mbështetje konkrete.  Gjermeni theksoi se shumë shpejt Ministria do të nisë konsultimet për të rishikuar ligjin aktual për turizmin, për të adresuar një sërë çështjesh dhe problematikash, të ngritura edhe nga operatorët turistikë dhe aktorët e tjerë të përfshirë në këtë sektor.
     Ministrja u shpreh se në muajt e parë të vitit të ardhshëm do të përgatitet një Strategji për Turizmin, për periudhën 2014-2020, e cila do të realizohet gjithashtu pas një procesi konsultimesh me ekspertët dhe aktorët vendas të turizmit, si edhe duke marrë ide dhe sugjerime nga ekspertiza e huaj. Gjermeni theksoi se Ministria e Zhvillimit Urban dhe Turizmit do të bëjë gjithçka për të promovuar Shqipërinë, duke shtuar numrin e turistëve të huaj, si edhe duke e kthyer turizmin në një sektor fitimprurës për ekonominë dhe gjenerues të vendeve të reja të punës.
     Nga ana e tij, Sekretari i Përgjithshëm i Organizatës Botërore të Turizmit, Taleb Rifai, u shpreh i gatshëm për ta ndihmuar Shqipërinë përmes kurseve të trajnimit të guidave dhe profesionistëve të fushës së turizmit, por edhe në kuadër të promovimit, duke organizuar vitin e ardhshëm një aktivitet të rëndësishëm për turizmin në vendin tonë.
     Panairi i Londrës, së bashku me atë të Berlinit, vleresohen si dy më të mëdhenjtë dhe më të rëndësishmit në kalendarin vjetor të panaireve të turizmit në Europë, ndërsa shërbejnë si një mundësi e mirë edhe për operatorët turistikë shqiptarë për  të vendosur kontakte, ose për të thelluar bashkëpunimin me operatorët turistikë të vendeve të tjera, apo me kompani që operojnë në fushën e turizmit.
     Panairi i Londrës qëndron i hapur deri në datën 7 nëntor dhe në kalendarin e tij janë të përfshirë një sërë aktivitetesh, ku ndër më të rëndësishmit është Samiti i Ministrave të vendeve pjesëmarrëse, që mbahet ditën e nesërme./b.l/s.s./

Krociera MV Deutschland mberriti ne Shqiperi ne fund te tetorit ne kuader te turit "Gjurmet e Odisese".

Wednesday, 30 October 2013 11:39

Ka mberritur mengjesin e sotem ne portin e Durresit krociera e linjes gjermane MV Deutschland me 5 yje , e njohur per sherbimin highclass qe ofron. Krociera me rreth 500 pasagjere , kryesisht turiste gjermane,  ka ardhur ne Shqiperi per nje vizite nje ditore ne saj te turit te quajtur “Gjurmet e Odisese”. Turi ka nisur nga Venecia, duke perfshire portet kryesore te Adriatikut Lindor, Jonit dhe Egjeut. Anija ka qene ne Slloveni, Kroaci, e Mal te Zi. Nga Shqiperia ajo do te niset per ne Greqi ku dhe do te perfundoje turin.Turistet e krocieres jane aktualisht nen kujdesin e agjensise turistike Albtours D dhe po vizitojne qytetet e Durresit, Beratit dhe Apollonine e Fierit. Nderkohe pasdite do te behet turi i Tiranes. Kjo eshte hera e dyte qe krociera Deutschland ndalon ne Shqiperi.

- See more at: http://www.radiotravel.al/index.php?option=com_k2&view=item&id=74488:krociera-mv-deutschland-mberrin-ne-shqiperi-ne-kuader-te-turit-gjurmet-e-odisese&Itemid=617#sthash.2Q4deXZk.dpuf

Shkodër, koleksionisti denoncoi vjedhjen e banesës. Policia i sekuestron veprat e trashëgimisë kulturore

03 nëntor 2013 15:01

18 vepra të trashëgimisë kulturore u sekuestruan ne shtepine e koleksionistit Haxhi Agraj, në lagjen “Bahçallëk” te Shkodres.

Pavaresisht pretendimeve te koleksionistit, se ka te gjithe dokumentacionin për pronësin e tyre, policia sekuestroi objektet. 

Agraj kishte denoncuar ne polici vjedhjen e baneses, kur uniformat blu kane pikasur veprat e trashegimise kulturore dhe I kane bllokuar per verifikim. Objektet e sekuestruara do te bllokohen deri sa te mbaroje verifikimi i dokumentave, qe paraqiti Agraj.

http://www.abcnews.al/lajme/aktualitet/2/35905

Amfiteatri i Apollonisë (Fier) del në dritë, pastrohet nga dherat

NGA KRISTAQ THANO 
03 NËNTOR 2013 - 13:37

FIER - Del sërish dritë mbi amfiteatrin 2400 vjeçar në parkun arkeologjik të Apolonisë në Fier. I mbuluar nga rrëshqitja e dherave, një ekip arkeologësh gjermano-shqiptar ka rikthyer në gjendjen e mëparshme amfiteatrin antik, duke hequr 800 metër kub dhe që mbulonte prej 2 vitesh.
 
Rrëshqitja e dherave si pasojë e motit të keq shkaktoi mbulimin e një pjesë të amfitetatrit antik, duke shkaktuar edhe dëmtimin e saj. Amfitetari aktualisht është kthyer në gjendjen e mëparshme.
 
Rreth 800 metër kub dhe është hequr nga sipërfqja e dëmtuar. Arkeologët gjermanë në bashkëpunim me ato shqiptar kanë punuar edhe për të shmangur shembjet e vazhdueshme të dherave nga kodrat përreth, si dhe për të mos lejuar depërtimin e ujërave nëntokësore.
 
Redaksia online
(ac/shqiptarja.com)

Tourism in Gjirokastra (Argirocastro), Albania BBC report

Vintage travel films: Albania, 1978

Sun'day fest is a boat trip event organized in Komani Lake - Albania.

Degradimi i muzeve dhe objekteve kulturore. Min. Kulturës por harton raportin e detajuar

Ndotja e maleve të Krujës aty ku mund te zhvillohet turizmi malor, kamionat zbrasin mbeturinat tek Shkëmbi i Vajës

DURRËS: NGA KANDILET TE NDRIÇIMI MODERN, HISTORIA E ZBULIMIT TË AMFITEATRIT ANTIK

-Dossier- 01/11/2013
  DURRËS, 1 Nëntor /ATSH-Gëzim Kabashi/.- Amfiteatri i lashtë i Durrësit që nga mbrëmja e fundit e tetorit do të jetë i ndriçuar çdo natë. Ky është një lajm shumë i mirë jo vetëm për punonjësit e sektorit të arkeologjisë dhe të kulturës kombëtare, por edhe për qytetarët shqiptarë dhe ata durrsakë në veçanti. 
         Ky investim i hap rrugën instalimit të impianteve të ngjashme edhe në monumente të tjera në të gjithë territorin shqiptar, duke i bërë ato të vizitueshme në çdo orë të ditës, nënvizuan folësit në ceremoninë e organizuar në mjediset e tij.
     Në të vërtetë, amfiteatri i ndriçuar ka një pamje të magjishme. Ishim mësuar ta shikonim këtë pamje, vetëm me rastin e koncerteve që organizoheshin mbi arenën e tij, por pak minuta më vonë dritat fikeshin dhe monumenti më i madh i lashtësisë, që është zbuluar në vendin tonë mbetej përsëri në terr.

Kandilet e arenës së lashtë

     Ka një rastësi të çuditshme, që i kthen zbuluesit e amfiteatrit në vitin 1966, atëherë kur hidheshin hapat e parë për zbulimin e një mrekullie, në qendër të qytetit modern. "Objektet e para që zbuluam në galeritë e amfiteatrit të Durrësit ishin rreth 100 kandile, të cilat duket se shërbenin për ndriçimin e arenës gjatë shfaqjeve. Që nga ajo ditë kanë kaluar plot 47 vjet, por mua më duket se gjithçka ka ndodhur dje".
     Specialisti Ilia Toçi tashmë është krejtësisht i thinjur, por ai kujton sondazhet dhe punimet që udhëhoqi i vëllai i tij, Vangjel Toçi, i cili njihet si zbuluesi i dhjetra monumenteve arkeologjike të qytetit 2.700-vjeçar.
     "Punimet nisën në prill të vitit 1966-tha për ATSH-në Ilia Toçi. Por, në atë kohë për monumentin e mrekullueshëm nuk dihej thuajse asgjë. Një lagje shekullore ishte ndërtuar mbi kodrën e amfiteatrit".
     Të dhënat më të rëndësishme për ekzistencën e amfiteatrit i ka dhënë historiografi i shquar shqiptar Marin Barleti në shek. 16-të, i cili në veprën e tij mbi jetën dhe veprën e heroit tonë kombëtar Gjergj Kastrioti, Skenderbeu shkruan se në Durrës "ndodhet një arenë ose amfiteatër, i ndërtuar me zgjuarsi dhe mjeshtëri të admirueshme..."
     Sondazhet e para u kryen në anën lindore, pranë banesës së familjes Simaku-vazhdon Ilia Toçi. Më pas ato u zhvendosën te muret bizantine mesjetare, në anën tjetër të lagjes.
     Edi Berdaku, shtëpia e të cilit ndodhet ende pranë shkallareve madhështore thotë se mjaft të rinj kanë punuar për zbulimin e monumentit. Për katër sezone verore punohej intensivisht dhe dalëngadalë format e monumentit më të madh arkeologjik të zbuluar në vendin tonë u bënë pjesë e jetës së qytetit 3000-vjeçar.
     Për zbulimin e plotë të amfiteatrit antik janë prishur 33 shtëpi, ku banonin 50 familje të vjetra durrsake si Kthupi, Njala, Velja, Kapedani, Bebeziqi, Plepi, etj.-thotë Ilia Toçi. Ekspeditat intensive për hapjen e amfiteatrit kanë vazhduar nga viti 1966 deri në vitin 1970, e megjithatë monumenti më i bukur i botës antike nuk u zbulua dot plotësisht.
Shekulli i ri në qytetin e lashtë
     Që nga viti 2003 në pjesën juglindore të amfiteatrit një grup studiuesish dhe studentësh italianë të Universitetit të Chieti - Pescarës, në bashkëpunim me Institutin e arkeologjisë kanë realizuar një sërë studimesh të rëndësishme që kanë krijuar tashmë një ide të qartë mbi gjendjen e tij jo vetëm në pjesët e dukshme, por edhe në ato që ende nuk janë zbuluar.
      Prof. Afrim Hoti nga Durrësi dhe profesoresha Sara Santoro nga Chieti janë entusiaztë. Çdo vit zbulimet kanë qenë befasuese: fillimisht muret e një godine madhështore të shek. 12-13; më pas pesë skelete të banorëve, viktima të tërmetit shkatërrues të vitit 1273; një thesar i vogël me monedha të shek. 14; dhe lista vazhdon. Tashmë një vëllim i veprës studimore "Dyrrachium" i kushtohet amfiteatrit.
     Por, më e rëndësishmja mbetet transferimi i familjeve që banojnë në një shtëpi, të ndërtuar mbi arenen e amfiteatrit. Vullneti i bashkisë dhe qeverisë nuk kanë mundur ende ta zgjidhin përfundimisht lëvizjen graduale të banorëve, të cilët në përgjithësi janë solidarizuar me qëndrimet e institucioneve.
     Kjo do të mundësonte hapjen e plotë të arenës dhe krijimin e kushteve për rritjen e numrit të vizitorëve në monument. Specialistët mendojnë se vendimi i pritshëm i dhjetorit të ardhshëm nga fondazioni "Europa nostra", që e konsideron amfiteatrin një monument të rrezikuar duhet konsideruar si një mundësi bashkëpunimi të institucioneve vendase dhe ndërkombëtare për rivitalizimin e tij.
     Sistemi i ndriçimit që u përurua mbrëmjen e kaluar, duhet ndjekur nga instalimi i një impianti ndriçuesish edhe në rruginat e lagjes Kala dhe të mureve mesjetare, që do t'u shërbenin vizitorëve të qytetit si një kartvizitë miqësore./k.s/s.s./

DURRËS/ AMFITEATRI ANTIK NDRIÇOHET PLOTËSISHT PËR HERË TË PARË, INSTITUCIONET BASHKËPUNOJNË ME KOMPANINË PRIVATE

     DURRËS, 1 Nëntor /ATSH-Gëzim Kabashi/.- Amfiteatri i Durrësit është ndriçuar në mënyrë të përhershme, falë bashkëpunimit me një kompani të pranishme në vendin tonë.
      Që nga zbulimi i tij në vitin 1966, ky është impianti i parë i plotë për ndriçimin e shkallareve dhe galerive të monumentit më të madh të antikitetit, të zbuluar në vendin tonë.
     Në ceremoninë e organizuar mbrëmjen e kaluar, Zonja e parë, Odeta Nishani, e cila është nismëtare e këtij realizimi, falenderoi institucionet dhe firmën zbatuese të projektit, duke theksuar rëndësinë që ka ndriçimi i këtij monumenti të parë  për të ardhmen e objekteve të tjera të trashëgmisë kulturore të vendit tonë.
     Ajo falenderoi vecanërisht kompaninë Albtelekom dhe Eagle Mobile, që sponsorizuan zbatimin e projektit të ndriçimit të amfiteatrit 1900-vjeçar.
      Osun Dinler, zv/drejtor i kësaj kompanie, tha se kjo mbështetje është vetëm një pikë në fushën e gjerë të kulturës materiale të popullit shqiptar dhe “ne ndjehemi krenarë për këtë”.
     Duke përshëndetur të pranishmit zv/ministri i Kulturës, Zef Çuni, theksoi rëndësinë e gjithëpërfshirjes së institucioneve dhe enteve të tjera shtetërore dhe private në rivitalizimin e monumenteve arkeologjike dhe historike.
     Specialistët kanë instaluar më shumë se 400 metra kabëll elektrik, së bashku me ndriçuesit  në të gjitha galeritë, duke respektuar plotësisht cilësitë e monumentit.
     Në arenën e tij ndriçojnë 12 projektorë të fuqishëm, të cilat kanë standarde sigurie dhe jetëgjatësie për ndriçimin e amfiteatrit antik./m.sh/

http://www.ata.gov.al/NewsStyle.aspx?NewsItemID=612003&News_Date=01/11/2013