27 febbraio 2016

Hidocentralet/Masakra që po rrezikon luginën e Valbonës...shpresojmë qe lajmi te jete i rreme

Vlerësuar si mrekullia e alpeve shqiptare Parku Kombëtar i Valbonës, në rrethin e Tropojës, shtrihet përgjatë Luginës së Valbonës, me një sipërfaqe prej 8000 hektarësh. Peisazhi malor, ujrat e Lumit të Valbonës dhe ekosistemi i parkut, vitet e fundit po tërheqin gjithnjë e më shumë turistë vendas dhe të huaj, kjo edhe falë përmirësimit të rrugës automobilistike, furnizimit me energji, dhe investimeve të vetë banorëve për pritjen e pushuesve.
Por banorët janë të shqetësuar se Parku kombëtar do të dëmtohet nga ngritja e tre hidrocentraleve në Luginën e Valbonës.
Drejtuesi i shoqatës së turizmit në Valbonë, Alfred Selimaj, thotë se koncensionet e dhëna për ndërtimin e tre hidrocentraleve, atë të Valbonës, Dragobisë dhe Çeremit, do të dëmtojnë turizmin dhe vetë ekosistemin e Parkut Kombëtar.
“Spontanisht e kemi marrë vesh se do të ndërtohen dy hidrocentrale këtu. Shqetësimi i parë është moskonsultimi me komunitetin, pasi nuk kemi pasë asnjë informacion. Lumi do të devijohet rreth 7 kilometra përmes tubave dhe tuneleve. Nëse cënohet lumi, shkatërrohet natyra, dhe atëherë kuptohet se kjo do të ndikojë në fushën e turizmit”.
Edhe bashkëshortja e Alfredit, Catherine Bohne, e njohur gjërësisht si “amerikania e Valbonës”, e cila i është përkushtuar ruajtjes së ekosistemit të Luginës, shpreh të njëjtin shqetësim. Ajo thotë se, me ndërtimin e hidrocentraleve dëmtohet turizmi, ekosistemi natyror, por edhe vetë e ardhmja e Parkut Kombëtar. Sipas saj, qeveria shqiptare nuk ka respektuar Konventën Ahrus, të cilën e ka nënshkruar, konventë që parashikon informimin e banorëve.
“Ne kemi punuar bashkë me Ministrinë e Mjedisit për të shkruar dokumentin e zonimit, planin e menaxhimit për të mbrojtur këtë zonë. UNDP ka investuar, ka bërë një projekt shumë të madh për të zhvilluar këtë zonë. Kurse një ministri tjetër ka punuar për ta prishur. Është çmenduri dhe qeveria e Shqipërisë nuk mund të vazhdojë më kështu”.
Tre kontratat konçensionare dhe vendimet për hidrocentralet në Valbonë janë miratuar nga dy qeveritë e fundit: ajo demokrate në gusht të vitit 2013 dhe ajo socialiste në prill të vitit 2014.
Madje në dhjetor të vitit 2014, Enti Rregullator i Energjisë, ERE, vendosi nisjen e procedurave për licensimin e aktivitetit të prodhimit të energjisë nga HEC-et “Çeremi” dhe “Dragobia’, ende pa filluar puna për ndërtimin e tyre.
Zëri i Amerikës u interesua pranë Ministrisë së Energjitikës dhe Ministrisë së Mjedisit për të marrë reagimin e tyre në lidhje me ndërtimin e tre HEC-eve në Parkun Kombëtar të Valbonës, por zyrtarët nuk pranuan të komentojnë mbi këto projekte.
Perfaqësuesit e shoqatave ambientaliste në Tiranë e cilësojnë ndërtimin e hidrocentraleve në Parkun Kombëtar si një krim mjedisor kombëtar.
“Duke ndërtuar këto lloj hecesh, ne pikërisht prishim zemrën e asaj zone që është Lumi i Valbonës, i cili kalon pikërisht në atë luginë. Për këtë shkak, jo vetëm komuniteti lokal, por edhe i gjithë komuniteti i shoqërisë civile është shprehur kundra këtyre ndërtimeve. Dhe, përgjithësisht, të gjitha këto ndërtime janë të atilla që, efekti i tyre financiar në përfitimin energjitik, në vlerësimin e shumicës së specialistëve është shumë më i vogël në krahasim me efektin financiar që mund të ketë pjesa e zhvillimit të turizmit apo zhvillimit të qendrueshëm të kësaj zone”, thotë Rezart Kapedani i shoqatës “REC Albania”.
Për mjekun njohur Din Selimaj, vendimi i qeverisë për dhënien e koncensioneve për ndërtimin e tre hidrocentraleve, brenda Parkut Kombëtar të Valbonës, është marrë pa u konsultuar me komunitetin vendas dhe, si i tillë, ai po kundërshtohet masivisht prej banorëve.
“Komuniteti i Valbonës është krejt kundër. Në vend që të investohet në stabilizimin e Luginës së Valbonës, në vend që të stabilizohen më mirë projektet e zhvillimit duke i dhënë përparësi lidhur me ndërtimet, llojin e materialit me të cilin do të ndërtohet, nivelin e kateve, hapësirave të gjelbërta, etj, vijnë ndërtohen hidrocentrale, pra thahet lumi”.
Banorët e Valbonës kanë nënshkruar një peticion drejtuar Kryeministrit Rama, përmes të cilit shprehin shqetësimin dhe kundërshtimin e tyre për ndërtimin e 3 hidrocentraleve në brendësi të Parkut Kombëtar.
Ndërsa përfaqesuesi i shoqatës “ECO Albania”, Olsi Nika, thote se ndërtimi i hidrocentraleve në Valbonë është i papranueshëm:
“Pavarësisht nga masat që kompanitë që do të ndërtojnë në Valbonë për të respektuar standartet mjedisore, pavarësisht gjithçkaje tjetër, kuadrin ligjor që ata do të respektojnë; rregullat, lejet e ndërtimit, lejet mjedisore, etj, për ne është përfundimisht një vend ku nuk duhet të ndërtohen hidrocentrale”.
Catherine Bohne, “aerikania e Valbonës”, kjo grua që prej vitesh është dashuruar me alpet shqiptare, nga vendi ku po ndërtohet kanali, që do të devijojë ujrat e Valbonës lëshon një apel për të gjithë shoqërinë shqiptare:
“Kam një apel që të gjithë njerëzit, ata që janë në shoqata, në qeveri, të gjithë njerëzit, në qoftëse bashkëpunojmë me besim edhe me shpresa, ne mund ta mbrojmë këtë thesar, Valbonën.
Artion Sulo dhe Ilirian Agolli/ http://www.m.lapsi.al/node/25485#.VtGd08vcnqC

Zhvillimi rural i Tropojës nëpërmjet resurseve natyrore


Gjon Neçaj26 SHKURT 2016 - 21:00

Përsa i përket pemëtarisë, bashkia Tropojë është e njohur për mollën gjylalle, kumbullën tropojane dhe gështenjën. Për prodhimin e mollës dallohen njësitë vendore të Tropojës, Llugajt dhe Bujanit. Për prodhimin e kumbullës dallohen komunat e Bujanit, Tropojës, Llugajt dhe njësia qendër.  Masivet e gështenjës shtrihen thuajse në të gjithë Tropojën, në toka relativisht jo-produktive. Për prodhimin e saj dallohen komunat e Bujanit, Lekbibajt, Tropojës dhe Margegajt. Bashkia Tropojë ka masivin më të madh të gështenjave jo vetëm  në Shqipëri por edhe në Ballkan. Ky masiv shtrihet në 2000 hektarë dhe numëron më shumë se 190.000 rrënjë.

 
Mbledhja dhe tregtimi i gështenjës është një nga burimet kryesore të të ardhurave për ekonominë lokale. Sipas të dhënave , vetëm gjatë vitit 2014 janë gjeneruar më shumë se 3 milionë euro të ardhura nga shitja e gështenjave. Duhet theksuar se tregtimi i gështenjës bëhet kryesisht si frut i sapo mbledhur,i papërpunuar dhe shumë pak i përpunuar. Ai eksportohet jashtë vendit, kryesisht në Gjermani, Austri dhe Turqi. Tropoja nuk ka kapacitetet për përpunimin e gështenjës. Për mungesë financimi, nuk disponohet fabrikë  për të bërë përpunimin industrial agro-ushqimor të frutit të gështenjës.
 
Lidhur me përpunimin e frutave të tjerë, Tropoja  ka pasur fabrika për përpunimin e tyre në të kaluarën, si furrat për tharjen e kumbullave dhe fabrika për konservat e frutave, të cilat tashmë nuk ekzistojnë prej një çerek shekulli.
 
Pas viteve nëntëdhjetë të shekullit të kaluar, ka patur dëmtime të sipërfaqeve të mbjella me kumbull për shkak të mungesës së shërbimeve dhe të problemeve të pronësisë. Vitet e fundit  vihet re një tendencë e rritjes se sipërfaqeve të mbjella me dru frutorë.

Përdorimi aktualisht i farërave dhe i fidanëve është i bazuar në tregun lokal. Tregtarët e pikave të shitjes kanë bërë përpjekje për të sjellë në treg prodhime të garantuara. Çmimet e shitjes për disa fermerë janë të pa arritshme për t’i përballuar. Mungesa e institucioneve financiare që mund të japin kredi të favorshme për fermerët, ka ndikuar në zhvillimin e produkteve bujqësore.

Kryesisht për shkak të largësisë dhe terrenit, transporti i produkteve bujqësore drejt qendrës së zonës është i kushtueshëm për një pjesë të madhe të fermerëve nga fshatrat e largëta.
 
Pyjet dhe bjeshkët e Tropojës janë të pasura në bimë medicinale. Këtu gjenden rreth 186 lloje bimësh mjekësore, prej të cilave më e rëndësishmja është boronica . Bimë të tjera janë dëllinja e zezë, molla e egër, trëndafili i egër, aguliçja, lulet e blirit,lule shtogu, salepi, sanza, lule basani, sherebela, rrënjët e hithrës, kokrrat e shtogut, trumza, rigoni, bar pezmi njëmijë gjethëshe, kamomili, thundërmushka, kulumbria, mëllaga, zhumbricat, shpatorja, ushejza pa kërcell, etj.
 
tropoja pyll

Boronica rritet në kullotat alpine në rreth 1800-2000 metër lartësi. Çdo vit mblidhen afërsisht 70 tonë boronicë e thatë me çmim nga 1,500-2,000 lekë/kg. Ndër bimët e tjera medicinale që mblidhen dhe tregtohen  janë dëllinja e zezë (rreth 40 tonë/vit), trendafili i egër (rreth 20 tonë/vit) dhe molla e egër (rreth 30 tonë/vit).
 
tropoja pyll

Aktualisht bimët medicinale mblidhen kryesisht nga banorët e fshatrave në territoret e të cilëve ato rriten. Ato grumbullohen nga tregtarë lokal dhe të tjerë. Shpesh grumbullimi i tyre bëhet nga tregtarë të pa licencuar. Tropoja nuk ka kapacitet për përpunimin e bimëve medicinale. Kryesisht ato shiten në gjendje të njomë dhe me çmime shumë të ulëta (për shembull  boronica shitet  kryesisht tek tregtarët nga Kosova, e njomë me rreth 1 euro/kg, ndërkohë që çmimi i saj i thatë është të paktën 10 herë më i lartë. Arsyeja kryesore është sepse në Tropojë nuk ka kapacitet për tharjen e saj. Sidoqoftë  bimët medicinale janë një burim i rëndësishëm të ardhurash për buxhetin familjar për shumë familje në Tropojë dhe mund të jenë një sektor i rëndësishëm në të ardhmen duke shtuar sasinë dhe nivelin e përpunimit.
 
tropoja pyll

Njëherazi Tropoja është e njohur edhe për bletrainë. Është i njohur në mbarë vendin ,madje dhe jashtë mjalti i Zogajve (Bytyçit) dhe i gështenjës (Krasniqe ).Njësitë vendore të Bytyçit dhe Tropojës kanë numrin më të madh të zgjojve të bletës,përkatësisht 26 dhe 24 përqind e numrit të përgjithshëm në zonë dhe 27 përqind të prodhimit të përgjithshëm.
 
Zona e Tropojës ka 6800 zgjua me prodhim mesatar  9 kg me gjithsej  61 tonë në vit,me një rendiment relativisht jot ë lartë.
 
Për zhvillimin e bletarisë ka patur edhe interes dhe subvencione nga shteti. Meqënëse është cilësor,veçanërisht i gështenjës,kërkohet shumë në tregun vendas e ndërkombëtar.
http://shqiptarja.com/m/aktualitet/zhvillimi--rural-i-tropojes-nepermjet-resurseve-natyrore-344125.htmltropoja pyll

Shqipëria në projektin e një flote moderne jahtesh

Mjete lundruese ne Portin e Jahteve ne Orikum, Vlore Foto Harilla KoçiTIRANE, 25 Shkurt / ATSH / – Shqipëria do të mund të ketë për herë të parë një strukturë moderne portuale për jahtet. Kompania londineze e jahteve Charterworld ben te ditur se së shpejti do të nisë ndërtimi i Porto Albania, projekti i parë i këtij lloji në Shqipëri, i cili ka arritur të sigurojë dokumentet e nevojshme nga qeveria.
Ky do të jetë porti i parë ndërkombëtar i jahteve në Shqipëri që do të përmbushë standardet europiane për të strehuar rreth 720 anije me gjatësi deri në 75 metra.
Vendndodhja e favorshme gjeografike do të rrisë ndjeshëm popullaritetin e saj, kundrejt konkurrentëve të drejtëpërdrejtë siç është Mali i Zi dhe Kroacia, por edhe destinacioneve turistike, si Greqia dhe Italia.
Porti është pjesë e një projekti të madh që do të përfshijë edhe ngritjen e strukturave akomoduese në tokë, si hotele, rezidenca, vila, dyqane tregtare, por edhe restorante, kafene, fusha golfi etj.
Ky është një investim që menaxhohet nga kompania zvicerane FINSEC Ltd Zug, në bashkëpunim me atë shqiptare FINSEC Port SHA Tirana. Charterworld shkruan se të dy kompanitë po punojnë për të krijuar një destinacion të veçantë në rajon.
Anëtari i bordit i kompanisë FINSEC, Peter Ruckstuhl, thotë se “Porti i jahteve është faza e parë e planit tonë të investimeve. Parashikohet që të shtrihet në 170 hektarë dhe të ketë hacilitete si, hotel, fusha golfi, etj”.
Por, ekspertët e këtij sektori thonë se Shqipëria nuk ofron kushte për të zhvilluar turizmin luksoz të jahteve, pasi nuk ka infrastrukturë mbështetëse në tokë, siç janë hotelet, resortet etj. Mali i Zi vlerësohet si një nga destinacionet me infrastrukturën më moderne të ankorimit të jahteve. /a.kehttp://www.ata.gov.al/shqiperia-ne-projektin-e-nje-flote-moderne-jahtesh-379083.html

26 febbraio 2016

Blocal Travel në kërkim të çelësit të Voskopojës

voskopojaTIRANE, 26 Shkurt/ATSH/- Blogu i njohur ndërkombëtar, Blocal Travel, ka shkruar një reportazh të gjatë kushtuar Voskopojës.
Voskopoja është një komunë që ndodhet rreth 21 km larg nga qyteti i Korçës mbi një pllajë 1160 metra mbi nivelin e detit. Voskopoja ishte qëndër e zhvilluar kulturore e themeluar në vitin 1330 e përbërë nga shqiptarë, arumunë e grekë.
Nëpërmjet një reportazhi, siç bën të ditur revista ‘Monitor; autorja e shkrimit i drejtohet Voskopojës, duke kujtuar nga historia që ajo ka qenë një qendër metropolitan, e artit, kulturës dhe qyteti i dytë më i madh i Perandorisë Osmane në Ballkan.
Reportazhi tregon se ky fshat kaq i bukur i Shqipërisë shpesh nuk përmendet në asnjë nga librat e guidave, mirëpo mjafton një ecje nëpër të që të kuptosh vlerat historike të këtij vendi.
Me një rrugë të pashtruar, me gurë dhe mure tradicionale të kohës bizantine, gjen në këtë fshat shtëpi të vogla. Kishat, sipas shkrimit, janë ndër më të bukurat për t’u vizituar dhe eksploruar, të cilat nuk do t’i gjesh dot në asnjë vend tjetër të rajonit.
Një tjetër bukuri natyrore që Blocal Travel përshkruan janë pyjet në këtë fshat, pemët e të cilëve kanë një ngjyrë karakteristike në çdo stinë të vendit mesdhetar./a.gjonaj/ /a.kehttp://www.ata.gov.al/blocal-travel-ne-kerkim-te-celesit-te-voskopojes-379708.html

Shërbime të reja turistike konkurrojnë në Gjirokastër për çmimet financuese ‘RiSi Turistike 2016’

amb-mayor-GJTIRANE, 26 Shkurt/ATSH/- Paketa inovative dhe tërheqëse konkurruan për çmimet e dhuruara sot në Gjirokastër në një ceremoni të mbajtur tek Hotel Çajupi. 
Gjashtë shërbime të reja turistike fituan çmime nën një konkurs të financuar nga programi zviceran ‘RiSiAlbania’ dhe Agjensia Shqiptare për Zhvillimin e Investimeve (AIDA).
“Turizmi është një forcë premtuese për rritjen ekonomike në të gjithë Shqipërinë dhe gjithashtu në Gjirokastër. ‘RisiTuristike’ organizohet për herën e tretë dhe sot vjen në Gjirokastër për të shpallur disa nga idetë dhe shërbimet më të mira të propozuara nga organizata dhe biznese lokale. Shpresojmë që këto shërbime të reja turistike të nxisin turizmin dhe ta bëjnë qytetin akoma edhe më tërheqës”, u shpreh  Ambasadori zviceran Christoph Graf gjatë ceremonisë së ndarjes së çmimeve.
Gjithashtu shpresoj tha ai, që këto shërbime të rezultojnë në më shumë të ardhura për ju, bizneset dhe qytetarët e Gjirokastrës. Ai përmendi se çmimet synojnë të inkurajojnë punën e operatorëve turistikë dhe bizneseve të tjera të lidhura me turizmin.
Kryetarja e Bashkisë Gjirokastër, Zamira Rami u bëri thirrje donatorëve dhe bizneseve që të mbështesin idetë e reja që synojnë rijetësimin e turizmit ne Gjirokastër dhe promovimit të punësimit për të rinj.
“Ne jemi në një vit të rëndësishëm për historinë e këtij qyteti të deklaruar si Viti Kulturor i Ismail Kadares në nderim të shkrimtarit tonë të madh Gjirokastrit, në 80 vjetorin e lindjes. Ne dëshirojmë që Gjirokastra të shndërrohet ne atraksionin turistik të Jugut. Unë uroj që produktet e reja të paraqitura sot këtu të krijojnë itinerare të reja dhe të shtojnë vlerë në përvojën e pasur dhe autentike që rajoni ynë ka trashëguar“, tha kryebashkiakja Rami.
Nga dhjetë propozimet e dërguara nga operatorë turistikë, kompani private dhe OJQ, gjashtë u njoftuan si fituese të çmimeve ‘RiSi Turistike’, një konkurs i përvitshëm i ngritur për të promovuar produkte e shërbime të reja në fushën e turizmit. Çmimi i parë dhe i dytë u ndoqën nga çmimet për krijimtari, inovacion, dhe biznese të reja. Shërbimet e propozuara përfshijnë marketingun e destinacionit online dhe promovimin në mediat sociale të Gjirokastrës, që i mundëson turistëve dhe vizitorëve të mundshëm të marrin informacion në kohë reale dhe të rregullt mbi qytetin, si dhe atraksionet dhe ngjarjet e tij.
Një tjetër projekt ide sjell konceptin e ‘tureve përjetuese’ për qytetin dhe zonat përreth përmes vizitave dhe veprimtarive tematike. Të gjashtë projektet do të marrin financim nga programi zviceran RiSiAlbania dhe Agjensia Shqiptare për Zhvillimin e Investimeve (AIDA) dhe do të zhvillohen edhe më tej derisa të mund të ofrohen në tregun turistik. Qëllimi është të shtohet vlera, të përmirsohet përvoja dhe të sillen paketa dhe teknologji të reja në ofertat e tanishme turistike për qytetin e Gjirokastrës.
RiSiAlbania e ka zhvilluar konkursin ‘Risi Turistike’ në Shkodër dhe Berat gjatë 2015 dhe arriti të mbështesë disa nisma innovative nga agjensi turistike locale dhe biznese të tjera në ato dy qytete. Synimi përfundimtar është të tërhiqen më shumë turistë, të zgjaten qëndrimet, të rriten të ardhurat për bizneset dhe komunitetet, dhe të sigurohet punësim sidomos midis të rinjve. /a.ghttp://www.ata.gov.al/sherbime-te-reja-turistike-konkurrojne-ne-gjirokaster-per-cmimet-financuese-risi-turistike-2016-379983.html

Why Albania is becoming a popular place to travel

Albania is a country surrounded with tourist destinations – Macedonia to its east, Montenegro to the northwest and Greece further south. Despite its prime location, Albania remains a place almost untouched from the hands of tourism. A large percentage of Albania’s national income is sourced from tourism, Albania only welcomes roughly 4 million visitors per year. Still, it’s easy to understand why Albania is becoming a popular place to travel to.

Why Albania is becoming a popular place to travel to: It’s loaded with history

The Gjirokaster Castle is now home to artillery artefacts. This is a plane captured by the US. Photo by Elena Miari, flikr
The Gjirokaster Castle is now home to artillery artefacts. This is a plane captured by the US. Photo by Elena Miari, flikr
Albania is not a country short of stunning sights and landmarks – the most notable being the Blue Eye Spring, a stunning natural waterhole with crystal blue water, surrounded by thick forest. It’s a place of untouched and tranquil beauty. Just be warned the road and public transport systems aren’t great, so plan your adventures ahead with hotel or hostel concierge.
The National Historical Museum in Tirana is the country’s largest museum. Inside you can find exhibitions on antiquity, medieval times, iconography, communist genocide and the culture and history of Albania and its people. The museum was built in 1981, and has since held a number of valuable archaeological treasures. The most important and must-see display is the gallery devoted to those who suffered persecution under the former communist regime – a sad and twisted part of Albania’s history.

MORE: WHAT TO DO WHEN TRAVELLING IN PETRA JORDAN

The Blue Eye Spring is a natural swimming hole with beautiful clear water. Photo by Carpe Feline, flickr
The Blue Eye Spring is a natural swimming hole with beautiful clear water. Photo by Carpe Feline, flickr
Kalasa is a place of ruin. Beyond the once-majestic castle walls lay an ancient neighbourhood, a busy and tired little town of ruins and labyrinth streets. Whilst taking in the sights, you’ll roam through courtyards, churches and the ruins of where the castle walls once stood. After Kalasa, move on to the Gjirokaster Castle, in the city of Gjirokaster (formerly known as Argyrokastro). The castle is bulky and eerie, overlooking the river valley below. It now contains a military museum featuring the captured artillery from the Communist regime and resistance. There is also a captured US air force plane on site – a sign of the struggle Albania once had against Western Powers.
Roam the streets of the cities to find stunning churches and chapels, many of which still operate today. There are a number of chapels in Kala, including St Theodore, the Church of the Holy Trinity and the chapels of St Mary Blachernae and St Nicholas. Visit the ancient ruins of Butrint, with remains spanning over a range of periods and often dating back to 2500 years old.

It’s a cheap place to travel

Visit the ruins village of Butrint to get a glimpse of past life in Albania. Photo by valplumlee, flickr
Visit the ruins village of Butrint to get a glimpse of past life in Albania. Photo by valplumlee, flickr
Albania is a cheap country to travel around. You can travel around in private or public transport, eat out and stay in hostels and hotels all for reasonable prices. Because of its location, Albania has coastline to offer very similar to that of Greece, just cheaper and less tourist-based. To put it simply, Albania is a back packer’s heaven.
Budget around $15 a night for a really good hostel – you can find ones with reviews online and most of which have positive ratings and are super cheap. Hotels that are given the rating between three and four stars range in price, starting at roughly $25 and costing anywhere up to $50 per night. This often depends on the location and type of room booked. Try the Baron Hotel or Milingona Hostel in Tirana for great, affordable accommodation.
Cuisine in Albania is a mixture of many cultures, the biggest influence  being Greek, Italian and German – so you’re sure to find a restaurant that you like. Eating out in Tirana is fairly cheap, especially on the outskirts of the main square where you can get meals ranging from $10 up to $35.

The beaches there are incredible

Cows roam the beaches of Dhermi, a quiet and more isolated coastal area. Photo by savagecat, flickr
Cows roam the beaches of Dhermi, a quiet and more isolated coastal area. Photo by savagecat, flickr
The coast line of Albania is as beautiful and as untouched as the rest. There are tourist beaches, like Vlore, where passengers from Italy dock and board ferries, and where beach clubs, cafes and restaurants come by the dozen. Most of the nicer beaches are located in the southern part of Albania, and all lie within close proximity of the Albania Riviera.
Dhermi Beach is located 42km south of Vlore, and is a great beach for those who enjoy the perks of eating alfresco, drinks at beach clubs but beaches that are near empty. You can get buses from Tirana to Dhermi  daily at midday, and buses run between Vlore, Dhermi and Sarande. Dhermi beach boasts white sands and rentable umbrellas and sunbeds, great for the family. However if you’re into something a little more secluded, walk down the beach to Perivoli Beach and you’ll have the whole thing to yourself!
Swim around the beaches of Ksamili and reach rock and island vantage points, great for diving. Photo by Julian Dragoi Photography, flickr
Swim around the beaches of Ksamili and reach rock and island vantage points, great for diving. Photo by Julian Dragoi Photography, flickr
Further south of Dhermi is Sarande, which is one of the most important tourist attractions in the Albanian Rivera. Sarande is known for beaches with white pebbly sand and deep blue water. Nearby is the ancient city of Butrint, and due to its location, Sarande is home to a large Greek ethnic minority.
Make sure to see the stunning horseshoe bay that makes up Sarande, giving a spectacular view between the mountains and the Ionian Sea. Nearby to Sarande is the village of Ksamili, which houses a beautiful beach with several small islands that can be swum to. Ksamili is a quirky village, notorious for its toppling buildings – the effects of buildings being put up illegally and being sabotaged by the police.

24 febbraio 2016

Turizëm me “çanta shpine”, Shqipëria mes vendeve më të mira dhe tërheqëse

backpacking-300x200TIRANE, 22 Shkurt/ATSH/- Europa është e mbushur me vende të pazbuluara dhe kjo është pikërisht ajo që dëshirojnë të pasionuarit pas këtij turizmi. Britanikja “the besttravelplaces” rendit pesë qytete që nuk janë desitnacione shumë popullore për turizmin me “çanta shpine”, por që kanë një sërë arsyesh për t’u vizituar.
Sarajeva, Bosnje- Hercegovina
Kulturë e ndryshme, arkitekturë e mrekullueshme, atmosferë unike. Kjo është Sarajeva. Kryeqyteti i Bosnje –Hercegovinës vështirë se mund të krahasohet me një qytet tjetër të Europës. Xhamitë qëndrojnë afër kishave, duke e berë një destinacion tëveçantë për turizmin e religjonit.
Tirana, Shqipëria
Tirana, kryeqyteti i Shqipërisë është i anashkaluar nga vizitorët. Deri diku kjo është e kuptueshme sepse natyra shqiptare është frymëzuese dhe shumë preferojnë të eksplorojnëbregdetin dhe malet në vend të qyteteve. Megjithatë, Tirana mund të jetë një vendqëndrim të paktën për dy apo tre ditë. Është një vend shumë i veçantë, i ndryshëm nga shumica e kryeqyteteve europiane. Para së gjithash, vendasit janë gjithmonë të gatshëm për të mikpritur vizitorënë kulturën shqiptare. Përveç kësaj, Tirana ka atraksione të shumta. Ushqimi është i lirë dhe e shijshme. Jeta e natës është vibrante. Ka klube, bare e restorante, njerës të rinj dhe energjikë.
Kjo është pikërisht ajo që është Tirana.
Wroclaw, Poland
Ka diçka të veçantë në lidhje me atmosferën nëWroclaw. -së. Është një qytet studentor, kështu që ka shumë të rinj. Jeta në tëështëplot energji. Në të mund të ndiheni rinorë.
Prizreni, Kosova
Jo vetëm Prizreni, por e gjithëKosova është duke u anashkaluar nga udhëtarët. Edhe turistët e aventurës, ata me çanta shpine e kanëharruar atë. Është për të ardhur keq.Nuk duhet të humbisni shansin për ta vizituar pasi njerëzit janë shumë mikpritës dhe tregohen shumë tëdashur me vizitorët.
Tartu, Estonia
Estonia është një “qoshe” misterioze e Europës. Ajo nuk i takon destinacioneve turistike më të njohura të kontinentit. Në fakt, njerëzit kanë tendencë për ta parë atë vetëm nëhartë. Është e vogël dhe ndodhet në veri të Rusisë. Mos e lini pa vizituar.
/revistamonitor/ /a.ghttp://www.ata.gov.al/turizem-me-canta-shpine-shqiperia-mes-vendeve-me-te-mira-dhe-terheqese-377434.html

Rruga e re e Vermoshit nje ftese per turistet (galeria e fotove)

Image: TIRANË, 24 Shkurt/ATSH-Arbi Fortuzi/-. Një rrugë gjarpërushe e mbërthyer nga malet, lumenjtë e ujëvarat, mes alpeve të vendit tonë, është aventura natyrore që e mikpret turistin deri në shfaqjen e fshatit malor të ngritur buzë një lumi.
Vermoshi ndodhet në skajin më verior të Republikës së Shqipërisë në një distancë prej 95 km nga qyteti i Shkodrës.
E gjithë kjo zonë quhet krahina e Kelmendit, emër të cilin e mban edhe komuna në fjalë. Ky emërtim vjen nga fjala latine “climens”, që do të thotë i urtë, i thjeshtë, i mirë. Për të mbërritur në Vermosh, turistëve i duhet të kalojnë në një rrugë spektakolare malore, ku tashmë ndodhen dhe pika ndalese turistike falë investimeve të qeverisë.
Përmes kësaj rruge madhështore, kalohet në objekte të tilla si qafa e Rrapshit dhe urën e Tamarës mbi lumin e Cemit.
Kjo është rruga e rikonstruktuar për të arritur në pikën më veriore të Shqipërisë, në Vermosh“Rruga turistike e Vermoshit e transformuar rrënjësisht për udhëtarët shqiptarë e të huaj që, falë Programit Kombëtar të Rilindjes Urbane, do të përfitojnë kënaqësinë e posaçme të mrekullisë natyrore, në kushte tërësisht të reja për turizmin malor”, shprehet kryeministri duke e shoqëruar komentin e tij nëpërmjet disa fotove, ku vihet re, veç rrugës gjarpërushe të ristrukturuar dhe madhështia e maleve të alpeve shqiptare, mes së cilave shtrihet një fshat me rreth 530 banorë nga rreth 1 300 të tillë që numëroheshin në fillim të viteve 1990, në një lartës prej 1100 metrash nga niveli detit.
vermoshFshati në fjalë është ka shtrirë rrënjët e jetës së saj mbi një fushë malore të krijuar nga lumi i Vermoshit, apo siç quhet ndryshe lumi i Limit, të vendosur në lartësinë 1.100 metra mbi nivelin e detit.
Një luginë me origjinë akullnajore. Në të dy anët e luginës, ngrihen shpate malesh me pjerrësi të konsiderueshme dhe të veshura me pyje dhe kullota. Bimësia drunore përbëhet kryesisht nga ahu dhe halorët. Vermoshi shquhet për panoramën e tij si dhe për reshjet e dëborës që zgjasin afro 100 ditë në vit.
Fillimi jetës së Vermosh lidhet me një familje, që në vitin 1890 dimëroi në zonën në fjalë, pasi një prej pjesëtarëve të saj ishte i pamundur të lëvizte. Pas pesë vitesh kësaj familje ju shtuan dhe 5-së të tjera, të cilat ngritën dhe banesat e tyre në atë zonë, pranë lumit dhe burimeve të shumta ujore që ofrohen në atë biodiversitet spektakolare që ofron natyra.
Lugina e Vermoshit, në Veri të Shqipërisë, rrethohet nga dy faqe mali të mëdha alpine, të cilat mbulohen nga pyje ahu e bredhi: në Veri kurrizi malor i Marlules dhe në Jug Kurrizi malor i Vilës.
Lugina, e cila përshkohet nga një lumë me të njëjtin emër, të shpie në Lugun e Gucinjës, prej së cilës ndahet nga qafa e Vjedernikut. E tëra, si në pjesën shqiptare edhe malazeze, është natyrisht çlodhëse.
Në Vermosh turistët mund të gjejnë dhe një shtëpi muze ndërtuar më 1993. Aty tregohet për Prek Calin, që luftoi për të mbrojtur Vermoshin dhe Kelmendin në vitet 1913, por që u pushkatua nga komunistët në vitin 1945.
Para se të hysh në Vermosh ndodhet ura me histori 500-vjeçare, Ura e Tamarës.
Aty është ngritur memoriali për gjithë emrat e atyre që u përballën me diktaturën.
Në Selcë (bri rruge), në vendin e quajtur Suka e Mkushit, është një tjetër memorial, ku janë skalitur emrat e atyre që u vranë në fushëbetejën me turqit, më 25 prill 1911.
Një tur në këtë zonë të bën të jetosh atmosferën e legjendave që nga kohët e lashta, dhe mbi të gjitha, mikpritjen shqiptare të njohur nga të gjithë të huajt që kanë patur mundësi ta përjetojnë.
/a.g/




...http://www.ata.gov.al/ne-vermoshin-turistik-mes-investimeve-te-qeverise-dhe-resurseve-natyrore-378536.html

20 febbraio 2016

Radomira "Rahu Mire", parajsa e aventurës dhe turizmit të borës

  • Radomir.jpg
  • radomir1.jpg
  • radomir2.jpg
  • radomir3.jpg
  • radomir4.jpg
  • radomir5.jpg
radomir5TIRANË, 18 Shkurt/ATSH. N.Lena/. – Radomira është një vend  në lartësitë e Korabit me vlera të medha  natyrore dhe klimaterike e lakmuar nga vizitorët dhe turistët e huaj në të katër stinët.  Radomira ngrihet në lartësinë 1250 m mbi nivelin e detit dhe thuhet se emri shqip i saj është “Rahu Mirë” që më shqip, eshte fushë kullotore e mirë që është kthyer në sllavisht Radomir. Është vendi më i preferuar për turizmin dimëror ku bora gati nuk shkrin kurr, por rruga për në këtë parajsë turistike në të katër stinët është shumë e dëmtuar gati e pa kalueshme. Këtë e konfirmojnë edhe mjaft operatore turistike,  turistë të huaj kurioze dhe aventuriere. Janë vetëm 3 km rrugë gati e pa kalueshme për të arritur borën e kësaj lartësie. Bora këtë dimër të ngrohtë është në kuotën 1600m,pra më lartë se zakonisht.
Nga lartësitë e Korabit,miku i lartësive , gazetari Ilir Mati, raporton sot që në Radomirë bie shi kur zakonisht në këtë stinë duhej të binte borë. Bora është më lart, atje ku synojnë edhe vizitorët dhe të apasionuarit pas sportit të skive. Nga territori shqipëtar nuk ngjitesh dot sepse nuk ka rrugë. Turistët shpërngulen e ngjiten në Korab nga territori Maqedonas, pasi nga andej rrugët automobilistike  për barinjtë dhe turistët të çojnë deri në kuotën 2000m aty ku bora eshte e sigurte dhe sportet dimërore janë të mundëshme. Vetëm 3 km rrugë duhen që ngjitja të bëhet nga toka shqipëtare, kjo do të ndihmonte turistët dhe barinjtë e këtyre maleve që shquhen për mbarështimin e bagëtisë në këto zona, kryesishtë të deles së Korabit.
Korabi është një nga malet më të larta të Evropës Juglindore, i cili shtrihet përgjatë kufirit të Shqipërisë dhe radomir3Maqedonisë. Vend i pasur me bukuri të rralla natyrore, me gurë, shkëmbinj dhe kullota të pafund e cila vizitohet nga shoqata të shumta alpinistësh të cilët arrijnë të ngjiten edhe deri në majën e saj e cila ka lartësinë 2764 m. Nga ana e Maqedonisë mund të udhëtohet deri në fshatrat e Rekës duke udhëtuar nga Gostivari e deri në disa prej këtyre fshatrave siç janë: Nistrovë, Bibaj, Zhuzhnjë, Rimnicë, Grekaj, Tanushaj, Nivisht si dhe në pjesën tjetër të Strazimirit nga organizohen ngjitjet alpinistike çdo vit. Vargmali i Korabit shtrihet mbi 40 kilometra në drejtimin veri-jug midis pjesës së poshtme të Drinit të Zi dhe saj kontribues Radika. Ajo është e vendosur rreth trekëndëshit kufitar të Shqipërisë, Maqedonisë dhe Kosovës, në jugperëndim të maleve të Sharit. Korabi është një masiv shumë i thyer malor dhe përbëhet kryesisht nga rreshpe dhe gëlqerore. Në anën perëndimore, mali bie thikë mbi muret shkëmbore. Ana veriore përbëhet nga shkëmbinj të thepisur. Një lloj i kulmit të dyfishtë, i Korabit 1 dhe Korabit 2, që arrin lartësinë 2756 m, e cila pothuajse ka të njëjtën lartësi, është rreth 150 metra në veriperëndim të majës së Korabit brenda territorit shqiptar. Në të njëjtën kreshpë janë dy maja të larta që arrijnë mbi 2700m, Shulani i Radomirës dhe Korabi 3 që quhet në gjuhën shkencore. Juglindja, duke pasur pak zona shkëmbore ndajnë disa livadhe, të cilat arrihen shumë thjesht, dhe herë pas here nga barinjtë me kopetë e tyre të deleve. Përveç majës së Korabit, ka disa të tjera, pothuajse në të njëjtën kuotë lartësie të barabartë në jug është një tjetër majë, Maja e Moravës, e cila është 2718 metra.
radomir1Në pjesën më të lartë të saj, mbi 2000 m (6562 ft), klima është alpine dhe përfshin disa elemente të florës alpine. Mali Korab është shtëpi për ujvara spektakolare në luginën e sipërme të lumit Përroi i Thellë. Gjatë kohës së pranverës, ujëvarat arrijne një lartësi prej mbi 130 metra, e cila e bën atë më të lartën në Maqedoni. Kufiri shtetëror ndërpret majën më të lartë Korabi i madh. Ngjitja nga pala e Republikës të Maqedonisë përfshin hyrjen e zonës kufitare maqedono-shqiptare. Ndërsa nga Shqipëria,ngjitja bëhet nga Peshkopia,Kalaja e Dodës, por mund të udhëtohet edhe nga rruga e Kombit deri në Kukës pastaj drejt Kalasë së Dodës. Këto bukuri të turizmit shqipëtar, duhen mbajtur në konsiderate nga  pushteti qëndror dhe lokal, për të investuar në infrastrukturë kryesisht në atë rrugore,  por dhe në aksesore të tjerë që të mund t’i shërbejnë turizmit duke  ndihmuar ekonominë e zonës dhe të vendit.
/f.nhttp://www.ata.gov.al/radomira-parajsa-e-aventures-dhe-turizmit-te-bores-375584.html

17 febbraio 2016

Vlerësohet si duhet turizmi historik në Shqipëri


  • t-hist2.jpg
  • t-hist3.jpg
  • t-historik.jpg
  • t.historik.jpg
  • thsto1.jpg
  • ardenic.jpg

t historikTIRANË, 16 Shkurt / ATSH- N.Lena/ – Turizmi historik është një turizëm në kërkim për kohët moderne dhe mund të quhet si turizëm elitar që në botën e zhvilluar është shumë fitimprurës për ekonominë.
Me miliona vizitorë të objekteve të lashtësisë i gjen nëpër botë duke vizituar themele rrënojash të vjetra dhe monumente të mbetura në këmbë që nga kohët e lashta. Shqipëria cilësohet si një ndër vendet më të lashta në Ballkan, një vend me histori aktive. Mund të përmendim disa qytete shqiptare me vlera të herëshme historike dhe që sot kanë një vlerë të shtuar në turizmin tonë.
Në qoftë se do të nisim nga jugu i vendit përmendim Butrintin,me emrin e lashtë Buthrotum që shtrihet rreth 18 km në jug të Sarandës. Pranë tij ndodhet edhe liqeni me ujë të kripur me të njëjtin emër. Është një nga sitet më interesante arkeologjike në Shqipëri, ku vlera të veçanta ka teatri me forme gjysmë-rrethi. Po kështu me vlerë janë dhe mbetjet strukturore nga ndërtimet e lashta. Është destinacioni më i vizitueshëm përsa u përket vlerave historike që zbresin deri në gojëdhëna.
Apolonia është qytet antik në Shqipëri ndër më të mëdhenjtë në pellgun e Adriatikut dhe më i përmenduri ndër 30 qytetet e tjera, me të njëjtin emër, të kohës antike. Gërmadhat e Apolonisë janë zbuluar në fillim të shek XIX. Gjurmët më të hershme arkeologjike janë disa objekte të kohës së hekurit, tipike të kulturës ilire. Nga shekujt e parë të jetës së qytetit ruhen disa mbeturina të murit mbrojtës dhe të një tempulli arkaik kushtuar Artemisit, hyjneshës më të adhuruar të apoloniatëve.t.historik
Apolonia, pas Dyrrahut, ishte qyteti më i rëndësishëm në pellgun e Adriatikut dhe më i përmenduri ndër 30 qytetet e tjera që e mbanin të njëjtin emër në kohën antike. U ngrit mbi një kodër në një pozicion që zotëron tërë zonën dhe nëpërmjet luginës së lumit Vjosë lidhej me detin Adriatik.
Ndryshe nga qytetet koloni të tjera të cilat ishin ngritur buzë bregdetit, Apolonia ishte ngritur më në brendësi, disa kilometra larg bregdetit. Por lidhej me bregdetin përmes lumit Vjosa, që në atë kohë ishte i lundrueshëm. Apolonia ndodhet 12 kilometra larg qytetit të Fierit. Apolonia si qytet u themelua në fillim të shekullit të shtatë para Krishtit nga kolonizatorët grekë që vinin nga Korinti. Të dhënat e para të pranisë së tyre janë të dokumentuara rreth vitit 588 para Krishtit. Emrin qyteti e mori për nder të perëndisë Apolon dhe qyteti luajti një rol të madh si ndërmjetëse tregtare mes helenëve dhe ilirëve. Apolonia ishte në atë kohë një qytet i madh e i rëndësishëm në afërsi të lumit Vjosë.
Llogaritet që qyteti të ketë pasur rreth 60 000 banorë, një shifër rekord për antikitetin.
ardenicArkeologët e quajnë Apoloninë Pompei i Shqipërisë, pasi vetëm 10% e territorit të qytetit të dikurshëm është zbuluar deri më sot.
Me interes të madh për vizitorin në Apoloni janë monumenti i Agonotetëve, Odeoni, Biblioteka, muri rrethues, Portiku, vila me impluvium, vila romake me mozaikë, muzeu arkeologjik, Kisha e Shën Mërisë etj.
Durrësi – Sot është qyteti-port më i rëndësishëm i Shqipërisë. Në pjesën jugore ndodhet plazhi i tij i gjatë më shumë se 10 km. Gjatë periudhës verore në Durrës vijnë më shumë se 150.000 turistë në ujërat e detit Adriatik. Monumentet e qytetit antik i kanë rezistuar kohës dhe janë akoma sot në një gjendje të mirë. Durrësi është një destinacion interesant për turizmin historik, dhe prej tij futen në territorin tonë me mijëra turistë çdo vit.
Kruja – Kalaja e Krujës u ndërtua gjatë shekujve të 5-të dhe 6-të. Ka një formë eliptike me sipërfaqe prej 2.25 hektarësh. Muret rrethuese janë të përforcuara nga 9 kulla, të cilat shërbenin për vëzhgim dhe sinjalizim gjatë periudhave të luftërave. Brenda mureve të kalasë gjenden ende disa shtëpi të banuara.
Berati – U përket qyteteve të rralla ku jeta fillon qysh në lashtësinë e thellë dhe vazhdon pa u ndërprerë deri më sot. Dy çekanë guri e datojnë fillimin e jetës në të para Periudhës së Bronzit (2600-1800 P.Kr.). Dëshmitë arkeologjike tregojnë se në shek. VII-VI P.Krishtit këtu është zhvilluar një vendbanim paraqytetar, me punishtet e tij të qeramikës dhe me një jetë shoqërore të diferencuar. Në kufijtë e legjendës dhe të historisë, ky vendbanim thuhet të ketë qenë Orestiada e lashtë, i quajtur kështu ngaqë aty banonin një fis i pellazgëve, orestët, i pari i të cilëve ishte Oresti, i biri i Agamemnonit.
Qyteti i mirëfilltë u themelua më 313-310 P.Kr. si qytet-kështjellë i Dasaretisë, i quajtur Antipatrea thsto1nga mbreti Kassandër në kujtim të gjeneralit mëkëmbës të Lekës së Madh. Ky është emri i parë i qytetit. Pas pushtimit romak në shek. II P.Kr. ai u quajt prej tyre Albanorum Oppidum (Fortesa e Arbërve). Në shek. V, nën perandorinë Bizantine, u përforcua dhe e ndryshoi emrin në Pulheriopolis (Qytet i bukur). I pushtuar nga bullgarët në shek. IX, u quajt Belgrad (Qytet i bardhë) – Berati i sotëm.
Shkodra – Origjina e emrit të saj, SΚΟΔRΙΝΩΝ (Scodra në transkriptimin latin), mendohet të jetë vendi ku shkon Drini (Shko Drinon). Kur erdhën pushtuesit turq në Mesjetë e quanin İşkodra ose Işkenderiyye nga Işkender duke pandehur se banorët e këtij qyteti ishin të bijtë e Aleksandrit të Madh (Skënder, emri i myslimanizuar i Aleksandër) për nga trimëria që shfaqnin në beteja, nga ku Barleti nxjerr një tezë se Shkodrën mund ta ketë themeluar Aleksandri i Madh, por faktet e dëshmojnë për më të vjetër.
Trashëgimia kulturore e Shkodrës për kombin shqiptar fillon që në shek. XV ku ishte qendër e humanizmit. Nga ky ambient dolën në dritë humanistë e mendimtarë të shquar, si Marin Barleti e Marin Beçikemi, që me veprat e tyre nxitën futjen e qytetit në vepra e studime e shkenca të aplikuara. Matematicieni Gjon Gazuli, u konsiderua si një nga astronomët më të shquar të kohës. Dallohet me një nga shkollat më të para në trevat shqiptare më 1698. t hist3Historiani E. Jacques shton se edhe të tjera shkolla u hapën “në Pllanë, një fshat afër lumit Mat, më 1638, në Troshan, më 1639″.
Thuhet se Shkodra ka pasur observatorin e parë astronomik në Ballkan. Por të dhënat tregojnë se “akademia” kulturore për të cilën shquhet ky qytet fshihet pas errësirës së shekujve. Gjatë qindravjeçarëve Shkodra ka qenë një metropol i qytetërimit shqiptar e madje ballkanik.
Kështu që, turizmit historik dhe të kuriozitetit, i duhet dhënë prioritet nëpërmjet investimeve në mirëmbajtjen e qyteteve historike, në infrastrukturën rrugore që të çon drejt tyre si dhe në kompletimin me personelin përkatës dhe të përgatitur për të pritur vizitorë të huaj./m.mhttp://www.ata.gov.al/a-e-ka-marre-vleresimin-e-duhur-turizmi-historik-ne-shqiperi-374287.html

Search

Translate