1Prefekti i Qarkut të Kukësit, me datë 22.10.2014, Safet Gjici ka inspektuar punimet, që po kryhen në rrugën Bajram Curri – Valbonë, punime që janë intensifikuar dhe ku synohet që shtresa e parë e asfaltit, në 11 kilometrat e papërfunduara, të shtrohet e gjitha brënda muajit Nëntor.
Gjatë inspektimit, Prefekti Gjici është takuar me përfaqësues të kompanisë që po zbaton projektin, nga ku ka siguruar të gjithë turistët, vendas apo të huaj, që janë të apasionuar pas sportit dimëror, se këtë vit do mund të shkojnë në Luginën e Valbonës, shumë më lehtë dhe shumë më shpejt, pasi më 15 Nëntor pritet që të shtrohet shtresa e parë e asfaltit. Ndërkohë, që nëse kushtet meteorologjike do jenë të favorshme, kompania që po punon për rikonstruksionin e kësaj rruge do mund të shtrojë edhe shtresën e dytë të asfaltit, punë që do nisë nga qendra e Valbonës.
Prefekti i Qarkut të Kukësit, Safet Gjici ka theksuar, se me dhënjen e fondeve nga ana e qeverisë, nuk do të tolerohen punime jashtë standarteve dhe shtyrje të afateve të dorëzimit të projekteve.
Gjici ka shtuar, se rikonstruksioni i gjithë gjatësisë së kësaj rruge do i japë frymëmarrje Parkut Kombëtar të Valbonës, edhe gjatë dimrit, kur trashësia e dëborës arrin në më shumë se 1 metër.
Me ndryshimet e buxhetit, të bëra vetëm pak javë më parë, Qeveria vendosi që të japë fondet e duhura për përfundimin e rrugës së Valbonës.
Me këto fonde, puna është përqëndruar në 11 kilometrat e papërfunduara, ndërkohë që pritet, që pas 15 Nëntorit të nisë edhe shtresa e dytë e asfaltimit të të gjithë gjatësisë së kësaj rruge.
2
3
4
5
6
7
8
9
10
11
12
13
14
15
16
17
18
19